كل ماتحتاجة للتغبير السيارة (مقادير و الخلطة) وكل حاجة

السلام عليكم ورحمه الله وبركاته

الضاهر الكتاب باين من عنوانه يشباب أنا وضعت هذا الموضوع لتستفيدو من التغبير والي يبي أي تغبيرة أنا حاضر وراح تكون أنشاء الله التغبيرة مع صورة مرفقه معاها وأي تغبيرة تبغونها أنا حاضر وأغلب الادوات موجودة بالبيت

نبدء بالادوات التي تحتاجها للتغبير:---


نحتاج لاغلب التغبيرات إلى آله اللي تبخ مثل البستم ((تباع في محلات الزينة أو الصيدليات البيطرية)) لكي تبخ المخلوط بشكل انتشار على السياره.
وهذي صورتها:-

والثاني وهو الاهم وهو طربة الهواء(كمبرسر الهواء) الي في البناشر وأذا ماكانت عندك رشها عند البناشر( الي يزين التاير أو الكفر)
وهذ هو:
والثالث: وفية آله لبعض التغبيرات التي تحتوي على بعض الاجزاء الصغيرة مثل الرمل وغيره والهي يرش فيها بوية السيارة
الصورة:

وعليه أثار التغبير يبي يستعرض هههههههه:82:
أو

الرابع : وهو السطل(الوعاء) (أو قمع)

وهذي صورته:


نبدء بالتغبيرات:--

التغبيرة الترابية :-
الطريقه كالتالي:

اولاً/وعاء صغير((يعني وعاء متوسط الحجم))

ثانياً/ علبة ماء صغيره ((نضع ربعها)) في الوعاء....

ثالثاً/ ملمع ناعم لونه بني وونضعه في القمع كلله.

رابعا / يمكن تستغربون شوي بس مو مشكله لازم تستقبلون الوضع ....((تعبون نصف كاس من تراب الرياض)) لانه لونه بني غامق ...... بس اذا ما تقدرون تجيبون التراب ... عندي بديل واللي هو ملمع خشن اوكيه.

خامساً/ نضع جميع المحتويات السابقه في القمع ونخلطها خلطاً مبرحاً حتى تصبح مخلووطه تماماً.

سادساً/ في آله اللي تبخ مثل البستم ((الي في الصورة فوق تباع في محلات الزينة أو الصيدليات البيطرية أما أذا كان بالتراب مالكم ألبستم حق البوية رقم3)) لكي تبخ المخلوط بشكل انتشار على السياره.

سابعاً/ ماراح تضبط معك الا اذا طبقة الشروط اللي فوق بحذاااافيرها يعني لازم تمشون خطوه خطوه عشان تكون اوكيه
وهذي صورة التغبيرة النهائية


وفيه تغبيرة ترابية غامقة
وهي
وطريقة التغبيره:

1- علبة ككاو الصغيره. روح اي بقاله وخذها مناك.

2-خذ علبة المويه الكبيره الي تجيك دائريه عشان تحط الخلطه فيها وكب المويه الي فيها وبقي منها الربع.

3- علبة بولش(التلميع) روح اي محل زينه وقوله عطيني علبة بولش ناعم. ولايضحك عليك ترا العلبه بـ10 ريال .

وانت في محل الزينه خذ منه العلبه الي يحطون فيها الملمع عشان تحط فيها الخلطه وتروح للبنشري(الي يزين التاير أو الكفر) وتشبك على العلبه اللي حق الهواء وابدء رش على السياره ومبروك عليك الخلطه

وفيه تغبيرة النيكل :-

1- رماد
2_حليب السعوديه
3_قليلن من الماء
4_تضعها في علبة وتخضها جيداَ ثم ترشها على السيارة ترشها بالنفس الآلة الي فوق

وهذي التغبيرة السوداء:-

المقادير
1- كيس فحم متوسطة الحجم
2- سطل أو وعاء كبر أو طشت
3- ماء
4-تنقع الفحم لساعت طويل في الماء وتركه ففي مكان *بعيد عن الأطفال*
5- مسدس بويه الى زي الللي يستخدمونه المغاسل بي رش البويه
6- لازم يصير عندك منفاخ هواء وتلاقه عند ساسكو خذلك واحد على كهرب البيت يطلع تمام


طريقة التغبيرة البيضاء:


تحتاج إلى:

دقيق أبيض بريالين من البقالة .... (وأنا أفضل رغوة طفاية الحريق علشان مانوقع في الحرام)

نشا غتر ب7ريال // // ....

بخاخ من إللي ينفخ ويشفط في نفس الوقت...



رش النشا حق الغتر(مريتو) على المناطق المراد تغبيرها
وبسرعة وقبل لا ينشف جيب منفاخ هواء بالكهرباء إللي يشفط وينفخ في نفس الوقت

وحط كيس الدقيق عند الشفاط حق الهواء ووجه المنفاخ على المناطق إللي بخيت فيها نشا الغتر


ومبروك عليك التغبيرة..

وهذي التغبيرة البيضاء بستخدام طفاية الحريق:-
مريتو ورش المكان اللي تبي تغبره

رش بطفايه الحريق على السياره

وبعد ما ترش عيد عليها بالمريتو عشان تتثبت

وهذي طريقة ثانية وأسهل بالنسبة للتغبيرة البيضاء:-

المقادير
1- طباشير كرتون
2-يخلط مع الماء
3-تضعها في مسدس البويه
5-وترش ومبروك
الطريقه الثانيه لي التغبيره البيضاء
المقادير
1-الصخور البيضاء خذلك وحده كبيره مره يعني متوسطة الحجم بين الكبيره والمتوسطه
2- أكسره وحولها الى صغايره
3- ضعها في مسدس البويه
4- وضع معها ماء
5- رش على السياره
6- مبروك عليك

ملاحضه أهم شي اذا بغيت ترش على الوجهيه افتح الكبوت واطفاء السياره وضع بين الرديتور كرتون لكي لاينفذ التراب الى الرديتو ويصر ماصر الله بلغت اللهم فشهد



وهذي تغبيرة الوكالة (خاصة لنا يااهل القصيم هههه:82: )
رش بودي السياره بالنشا ( مريتو أو أي منتج ثاني ) .
2 - انفض المرشح حق المكنسه على البودي وشكل التغبيره على مزاجك

طريقه عمل > اي < لون تغبيره براسك من مجرب:-

انا عندي كمبرسر بعد تجيب كاس مويه فاضي تحط فيه car wax الي هو ملمع ناعم وتجيب الوان من المكتبه اسمها بوليستر او فولستر علبتها صغيره وب4 ريال بس تحطها كلها وتحط مويه بحيث يكون ثلث الكاس ملمع وربعه لون والباقي مويه وبس ولو تسوي شكل قبل ما ترش احلى زي الازرق الي على الزووم وفيه طريقه بعد مجربه بس لازم ما تلمسها اذا رشيت اذا كنت تبي تشيلها لازم تغسل بمغسله لانهم يرشون المويه بقوه وهي : تروح عند محلات مواد البناء وتشتري بودره ملونه تنحط مع الفيتونايت حق السيراميك الكيلو بخمس ريال تحط شوي وتحط مويه وتحرك وترش ال لون ببالك على فكره الطريقه الاولى اي لون تعني حسب اللون الي شاريه انت وسلامتكم وعساي افدت ماهو منقول اختراعي

تغبيرة اللون الوردي:-

المقادير:
الطلبات:

بودره لون( وردي) توجد في محلات البودره الخاصه بالبناء

بودره اطفال جونسن

جك ماء رديتر

ماء


طريق الخلط :

تضع البودر الورديه في جك(وعاء) ماء الرديتر ثم تضع البودره ثم تصب الماء الى نصف الجيك(وعاء) وترجها رجا مبرحا

وبعدين تاخذ لك اي وسيله للرش وترشها على السياره من بعيد

فيه طريقتين للتغبيرة الوردية :

1)تغبير أبيض بعدين بالتغبيرة الوردية .

2)تغبرها وردي مباشرة بس بشرط إنك تدبل التغبيرة مرتين والا ثلاث عشان توضح

وأنصحك بالطريقة الأولى لأنها أفضل


التغبيرة المطفي:-



في ماده تنباع عند محلات المغاسل الكبرى (((يعني مراكز تلميع السيارات)))


اسمها الشمع

تروح عندهم وتغسل السيارة

وتقول لهم ابي اشمعها
ويشمعونها لك
بس بدال مايفرك الشمع ويزيل الزايد منه
يزود شمع على السيارة
حتى يصير لونها مطفي

بس ترى غسيلها صعب

وتحتاج انه يغسلها لك بستم
ويطول وهو يفركهاااااااااا

وهذا الي عندي
وواحد من الشباب مغبرة
كابرس اس اس اسود في جدة
وهو قال لي من المغسلة سويتة
بشمع

تغبيرة المنتخب السعودي:-
بالنسبه للتغبيره البسيطه الخاصه بالمنتخب اللون الأخضر والأبيض راح تكون بخاخ لون اخضر يباع في محلات ابو خمسه وابو ريالين طبعاً جاهز وكل علبه سعرها بخمسة ريال

تغبيرة الون السماوي:-

الطريقة هي وعاء او اناء لتضع فيه الخلطة
وملمع سيارة ابو علبة صفراء المستطيلة
والوان من المكتبة فلوليستر

وتبدا بخلط العناصر مع اضافات قليلا جدا جدا من الماء عشان لاتسيح عليك

بعد ذلك قوم برشها على الاجزاء التي تريد تغبيرها

الصور:



شباب تغبيرة اللون المطفي

ماودي اقولكم اياها عشنها كلها نعمة بس انا علي اقول الطريقة

حليب بوني ولا الي زيه
نصف علبة سفن الكبيرة ام 4 ريال تحط البوني معاها وتخض ابو جدها وترشها على السيارة وتجيك ارجل تغبيرة مطفية

ووهذي تغبيرة الوكالة الاصلية الي فوق تيوانية ههههههه:82:

المتطلباااات //

بودره اطفال
قارورتين فاضيه
طين في فنجال شاي او كاسه صغيره

طرقه العمل

ناخذ العلبه الاولى ونظع الطين فيها
ونعبي العلبه اللي بها طين مويه وخضها خض(يعني يمزجها مع بعضها البعض) لين يسير لون المويه بني داااكن (( مويه بنيه ))
ناخذ العلبه الثانيه ونعبيها لين الربع بودره
ونظيف اليها المويه البنيه بدون الطين
ونخظها جيدا وبعدين رشها عالسياه من بعيد

شبااااااااااااااااااب ملاحظه هاااااااااااااااامه جدا //

اذا كنت تبي تثبت التغبيره عالسياره عشان مو كل ما مر واحد يمسحها او يكتب عليها

خذ لك مريتو ( النشا تبع الغتر) ورش عالتغبيره مره او مرتين وان شاء الله ما تنزال بالمسح العادي باليد

لازم تاخذ ماء وتمسحها


مطفي تخلي لون السياره مطفي:-طريقة 2

1- طرحه حقت الحريم ههههههه
2- رمل رمل مو تراب
3- تصفي الرمل على الطرحه وتحط الصافي في سطل او اي شي بس تصفيه تمام
4- علبة بيبسي
5- تروح عند اقرب بنشري(الي يزين التاير أو الكفر) تعطيه خمسه ريال وتقوله ابغا احط هذي الخلطه بالمسدس حقك طبعا عارفين وشو المسدس اللي ينفض الغبار وتخليه يرش من بعيد من بعيد لايقرب عشان لاتدمع(تسيل) التغبيره تصير زي الدموع يعني بعدين تروح مكان في تراب عشان تمسك السياره شوي واصبر فتره من اسبوع لاسبوعين وشوووووووووووف وش يصيروربي الي يبي حاجة اودية هههههههه:82:

تغبيرة الؤلؤي:-

مريتو( نشا للشماغ)موجود في البقالات ومغاسل الثياب والشمغ خخخخخخ كانكم ماتعرفو من وين.

2- اللـــمعه ( الـؤلؤ ) تروح لاي مكتــبــه وتقول للهندي او للبنقالي او الباكستاني ---) الي موجود
ابي لمعه او لؤلؤ ( على الطريقه اللي يفهمها) الهندي ... الخ زي البودره .

هذي تغبيرة ترابية مع التغبيرة الوردية كوكتيل

بس تراها والله شغل يدي
والخلطة هي
الوان بوستر من عند المكتبات الكبرى<<<<صح يا اعلان
وملمع اسمه (crome polish
يجي لونه قريب من الاحمر وتراه بعشرة ريال والالوان بعشرة برضو
وكمبروسر حق بوية
على فكرة تراني مغبرها لون رملي وفوقه وردي عشان السيارة سودة
تراها تجربة وصور عالماشي

الصورة:



وهذي خلطات لتلميع الكفرات

1- التلميع عن طريق زيت السيارة أو زيت القير وبقلكم عيبها علاطول تجمع غبار

2- التليمع عن طريق شامبو الاطفال (لادموع بعد الان) يطلع الكفر روعة مرة

3- التلميع عن طريق فيري بس هذا عيبو يقطع الكفرات

4- التلميع عن طريق الفازلين
السلام عليكم وأنا بالخدمة أذا بغيتو أي تغبيرة أو التغبيرة المناسبة للسيراتكم وبالتوفيق

موضوع في قمه الابداع والي الامام

مشكور أخوي والله يقويك على الإشراف على المنتدى

وين الردود

مشاء الله موضوع يستحق التثبيت والله